İçindəki
Xəbərlər
Xocalı Soyqırmı Azərbaycan Tarixinin ən faciəli səhifələrindəndir
Elm və Təhsil Nazirliyinin Radiasiya Problemləri İnstitutunda Xocalı faciəsinin 33-cü ildönümünə həsr olunmuş tədbir keçirilib.Tədbir soyqırım qurbanlarının xatirəsinin bir dəqiqəlik sükutla yad edilməsi ilə başlayıb.
İnstitutun icraçı direktoru, dosent Rəvan Mehdiyeva çıxış edərək bildirib ki, 1992-ci il fevralın 25-dən 26-na keçən gecə Ermənistan silahlı qüvvələri beynəlxalq hüququn norma və prinsiplərini kobudcasına pozaraq, keçmiş sovet ordusunun Xankəndidə yerləşən 366-cı alayının iştirakı ilə Xocalı şəhərinə hücum etdi və dinc əhaliyə misli görünməmiş qəddarlıqla divan tutdu. Xocalı qətliamı Ermənistanın uzun illərdən bəri Azərbaycana qarşı həyata keçirdiyi planlaşdırılmış etnik təmizləmə və təcavüz siyasətinin tərkib hissəsi idi.
XX əsr dünya tarixinin ən qəddar soyqırımı aktı olan Xocalı faciəsi haqqında tarixi həqiqətlərin beynəlxalq ictimaiyyətə çatdırılması istiqamətində bünövrəsini ümummilli lider Heydər Əliyevin qoyduğu siyasi kurs bu gün Prezident İlham Əliyev tərəfindən uğurla davam etdirilir.
Tədbirin sonunda bu dəhşətli faciəyə həsr olunmuş video çarx nümayiş olunub. Hər il fevralın 26-sı Azərbaycan xalqı Xocalı faciəsinin qurbanlarının xatirəsini dərin hüznlə yad edir.
© Bütün hüquqlar qorunur. Xəbərlərdən istifadə edərkən www.radiation.gov.az saytına istinad zəruridir.
