İçindəki
Xəbərlər
Radiasiya Problemləri İnstitutunun üç əməkdaşı 3-cü dərəcəli “Əmək” ordeni ilə təltif olunub
Azərbaycan Respublikasının Prezidenti cənab İlham Əliyev tərəfindən imzalanmış sərəncama əsasən Azərbaycan Milli Elmlər Akademiyasının (AMEA) 80 illik yubileyi münasibətilə elm sahəsindəki xidmətlərinə görə Radiasiya Problemləri İnstitutunun (RPİ) üç əməkdaşı — AMEA-nın müxbir üzvü, Radiasiya Problemləri İnstitutunun baş direktoru İslam Mustafayev, “Yarımkeçiricilərin radiasiya fizikası” laboratoriyasının müdiri, fizika-riyaziyyat elmləri doktoru professor Rəhim Mədətov və “Seqnetoelektriklərin radiasiya fizikası” laboratoriyasının müdiri, fizika-riyaziyyat elmləri doktoru, professor Rauf Sərdarlı 3-cü dərəcəli “Əmək” ordeni ilə təltif olunub.
Onların hər biri uzun illər ərzində elmin inkişafına verdikləri töhfələr, aparıcı tədqiqat işləri və gənc mütəxəssislərin yetişdirilməsindəki xidmətləri ilə tanınır.
Bu təltif AMEA-nın yubileyi çərçivəsində ölkənin elmi potensialının gücləndirilməsində mühüm rol oynayan alimlərin fəaliyyətinə verilən yüksək qiymətin göstəricisidir.
Qeyd edək ki, “Əmək” ordeni Azərbaycan Respublikasının sosial-iqtisadi, elmi, mədəni və digər sahələrdəki nailiyyətlərinə görə fərqlənən şəxslərə təqdim olunur.
Radiasiya Problemləri İnstitutu kollektivi adından təltif olunan əməkdaşları təbrik edir, onlara gələcək elmi fəaliyyətlərində uğurlar arzulayırıq!
© Bütün hüquqlar qorunur. Xəbərlərdən istifadə edərkən www.radiation.gov.az saytına istinad zəruridir.
